“Mən istefa verməsəm də, seçkilər keçirmək olar”

Ermənistanın baş naziri Nikol Paşinyan yeni bəyanatla çıxış edib.

7/24news “Ölkə.Az” a istinadən xəbər verir ki, Paşinyan istefa vermədən növbədənkənar parlament seçkilərinin keçirilməsinin mümkün olduğunu bildirib. Guya, Paşinyan bununla da xalqın iradəsinə zidd getmir.

“Mən hələ qərar verməmişəm. Mənə qalsa, istefaya gedərdim. Amma xalq mənim istefama sərt reaksiya verir. Bu ssenarini detallarına qədər düşünməliyik. Amma dəqiq olan odur ki, dekabrda növbədənkənar parlament seçkiləri olacaq”, – deyə Paşinyan bildirib.
Erməni siyasətçi bildirib ki, dekabr ayında növbədən kənar parlament seçkiləri keçirməkdən imtina etmir. O, “Çiçəklənən Ermənistan” partiyasının lideri Qaqik Tsarukyanın dəstəyinə ümid etdiyini bildirib. Paşinyan qeyd edib ki, Ermənistan parlamenti saxtakarlıqla formalaşıb. O, əsas siyasi rəqibinin Serj Sarkisyan olduğunu bildirib.

“Əgər xalq qərara gəlsə ki, hakimiyyət getməlidir, deməli hakimiyyət getməlidir. Mən özümü bu prosesin təminatçısı sayıram”, – deyə Paşinyan əlavə edib.